'E ccorne | dialetto | Giovi55 | Rosso Venexiano -Sito e blog per scrivere e pubblicare online poesie, racconti / condividere foto e grafica

Login/Registrati

Commenti

Sostieni il sito

iscrizioni
 
 

Nuovi Autori

  • Gloria Fiorani
  • Antonio Spagnuolo
  • Gianluca Ceccato
  • Mariagrazia
  • Domenico Puleo

'E ccorne

San Martì, t'â pozzo cerca' 'na grazia?
Purta' 'sti ccorna è addeventato 'nu strazio. 
So' custretto a cammena' c'â capa acalata, 
tanto ca 'o piso è addeventato esagerato! 
Te vulesse cerca' 'nu piccolo piacere, 
pecchè m'aggio stancata 'e guarda' 'e piere.
'Nu miezo presentimento già ll'avette, 
quanno 'o primmo ruciolo m'ascette. 
'Ncapa a me pensaje:"sarrà eritema..." 
e me spalmaje 'nu tubetto sano 'e crema.
Passanne 'o tiempo m'aumentaje 'o prurito, 
e sentette 'nu bubbone tuosto sott'ô dito. 
'Nun saccio 'e quanta culure mme facette: 
pensanno ca 'a crema nun aveva fatto effetto. 
Chesto fuje, 'nfino a quanno 'nu bellu juorno, 
me nascette 'nfronte 'o primmo cuorno.
All'inizio era sulamente 'na puntella:
'na cusarella leggiera: 'na curnicella. 
Ma mo' m'accummencio a ssentere avveluto, 
pecchè se vede assaje ca so' curnuto! 
Sto pruvanne a fa 'o tipo indifferente, 
sfoggio 'e corna comme 'nun fosse niente.
M'ê pporto 'ngiro, a ttipo 'e caschetto: 
'o posto d'ê bbanane tengo 'o curnetto... 
Quanno m'addimannene - ma 'ncapa che tenite? 
J' risponno - 'e fatte vuoste nun v'ê ffacite? - 
Spisso s'allamentene quanno me sposto. 
- e comme site muscio vuje e 'sti ccorne voste! 
- Tutte quante me sfottene: fanne 'e scustumate,
e j' oltre a essere curnuto, so' pure mazziato. 
Sapite che ve dico: quase quase so' cuntento. 
me tengo chesti ccorne: comme p'abbellimento.
E si se scardene quanno passo sott'ê pporte, 
'nun fa niente: ne tengo n'ati cciento 'e scorta.. 
San Martìno, tu ca prutiegge uommene e buoje, 
può fà in modo ca ognuno pensa 'e ccorne soje?
Giovanna Balsamo

Cerca nel sito

Cerca per...

Sono con noi

Ci sono attualmente 3 utenti e 5582 visitatori collegati.

Utenti on-line

  • Ardoval
  • Fausto Raso
  • Antonio.T.