Login/Registrati

Commenti

Sostieni l'associazione

iscrizioni
 
 

Nuovi Autori

  • emanuele
  • Emma Di Stefano
  • Bowil
  • Juliobaf
  • ietus

'O culo e 'o cereviello

'O culo rivulgennese 'o cereviello
ll'addimannaje: "ma che tenite 'e bello?"
Vuje c'avite scritto, liggiuto e studiato
e 'a capa ll'avite saggiamente ausata,
pecchè date tutta chesta 'mpurtanza
a 'sta cultura ca 'nun regne 'a panza?
Si 'nun site 'nu bello fucile c'ô rinculo
e 'nun putite gghì annanze a bbotte 'e culo,
'a capa ll'avite a fforza ausà
osinò avite voglia 'e ve 'nun magnà.
Chesto e ato 'o cereviello rispunnette,
mentre pigliava 'o scuntruso culo 'e pietto.
P'orgoglio 'o culo, sentennese coinvolto,
susennese facette subbete 'nu botto.
Servennese 'e tutto ll'armamento,
s'appriparaje pe 'nu bombardamento.
'O cereviello 'o dicette: "complimenti!"
e 'o culo se mettette su ll'attenti.
S'allargaje 'o culo: "si pozzo avè ll'onore...
cu 'nu pireto vve faccio addeventà signore."
Ve lancio 'e n'aria 'nu doppio colpo a effetto,
'na bombardata cu annesso ll'appretto.
Ve 'namido cu 'nu bello colpo 'e appretto,
ve 'ntonsto comm'â 'nu janco merletto...
...e po' tengo a muglierema ca quanno abboffa.
no pe m'avvantà, è 'na granda bella loffa."
"Ma vuje site troppo scustummato",
rispunnette 'o cereviello cuntrariato.
"...e po' facite tutto 'stu rummore!
Fetite assaje! Scansateve pe favore!"
Accussì senza se sparagnà niente,
culo e cerevella ascettene a pisce fetiente."
Si mme pozzo esprimere intellettualmente,
ve dico ca comme culo 'nun v'ammancà niente.
Tutto chello ca dicite pare convincente,
ma v'esprimete in modo molto sconveniente.
"Avite ragione" dicette 'o culo a ll'intelletto."
"Ve po' parè 'na mancanza 'e rispetto..."
ma 'o culo pe quanto po' essere 'mparato,
spisso e volentieri è assaje scrianzato.
S'ha nna sapè accurdà culo e cereviello,
si se vo' ca 'e ccose vanno a ppenniello!
Pecchè ll'urdema parola in buona sostanza,
'a tene sempe 'o culo: parlanno cu ccrianza...

 
 

Cerca nel sito

Calendario 2018 di Rosso Venexiano

clicca sull'immagine
per scaricare il calendario

Cerca per...

Sono con noi

Ci sono attualmente 5 utenti e 1738 visitatori collegati.

Utenti on-line

  • woodenship
  • ferdinandocelinio
  • ciommo82
  • Antonio.T.
  • sapone g.