Scritto da © Giovi55 - Ven, 30/12/2016 - 13:39
Pe fa' pasta e fasule comme Ddio cumanna,
ll'avite cocere tenenne vascia 'a fiamma.
Appriparate prusutto e 'nzogna a fettuccine:
comme si fossere tanta strisce 'e tagliuline.
Appriparate prusutto e 'nzogna a fettuccine:
comme si fossere tanta strisce 'e tagliuline.
Po' tritate 'o ssedano, 'a cipolla e 'na carota.
Ammescate bbuone bbuone cchiù 'e 'na vota.
Aroppa arrusulate 'nu spicchio d'aglietiello
e frevitele cu 'nu filo d'uoglio dint'ô tianiello.
Ammescate bbuone bbuone cchiù 'e 'na vota.
Aroppa arrusulate 'nu spicchio d'aglietiello
e frevitele cu 'nu filo d'uoglio dint'ô tianiello.
Ammescatece 'e vverdure c'avivene tagliate,
cocche pare 'e cuppine 'e bbroro appriparato.
'Ntanto ca 'a tavola stà già tutta apparicchiata,
mettitece 'e fasule e po' 'a pasta ammiscata.
cocche pare 'e cuppine 'e bbroro appriparato.
'Ntanto ca 'a tavola stà già tutta apparicchiata,
mettitece 'e fasule e po' 'a pasta ammiscata.
'O fasulo è modesto: nun è comme 'o sartù,
ma si 'o saje cucena' bbuono, te po' pare' raù.
Fra tanta piatte putesse essere isso 'o rre:
ma nun s'adda esagera' e vuò sape' 'o pecchè?
ma si 'o saje cucena' bbuono, te po' pare' raù.
Fra tanta piatte putesse essere isso 'o rre:
ma nun s'adda esagera' e vuò sape' 'o pecchè?
Essenne ca è 'nu tanteniello scapestrato:
parla spisso e senza maje essere cumannato.
Va vuttane aria e cavece pe dint'â panza,
sì po' t'aggire, murmulea pe tutta 'a stanza.
parla spisso e senza maje essere cumannato.
Va vuttane aria e cavece pe dint'â panza,
sì po' t'aggire, murmulea pe tutta 'a stanza.
Te fa lancia' tricche tracche e bbotte a mmuro,
dduje bengale, cocche stelletella e 'nu siluro.
Fà fiamme, fuoco, ma senza purta' danne.
Chi magna fasule, fa festa e spara tutto ll'anno!
Giovanna Balsamo
dduje bengale, cocche stelletella e 'nu siluro.
Fà fiamme, fuoco, ma senza purta' danne.
Chi magna fasule, fa festa e spara tutto ll'anno!
Giovanna Balsamo
»
- Blog di Giovi55
- 1859 letture