Uocchie asciutte | dialetto | Giovi55 | Rosso Venexiano -Sito e blog per scrivere e pubblicare online poesie, racconti / condividere foto e grafica

Login/Registrati

Commenti

Sostieni il sito

iscrizioni
 
 

Nuovi Autori

  • Gloria Fiorani
  • Antonio Spagnuolo
  • Gianluca Ceccato
  • Mariagrazia
  • Domenico Puleo

Uocchie asciutte

'Na goccia dint'ô mare 'nun se vede,
ma quanno 'a tiene 'nfaccia te n'adduone!
Triste piense – stà arrivanne 'o maletiempo -
e te siente 'e burbuttia' pe ccapa 'e tuone.

'O cielo minacciuso allampea 'a terra,
'a vocca bbeve pioggia e 'nun se 'nzerra.
S'assapurea 'ncelestiate gocce 'e sale,
ca tenene 'o culore e ll'acqua 'e mare.

Pe chi s'ô po' ppermettere, è cchisto 'o chianto,
ca chiagne chi tene 'o core affranto.
Ma 'nce stanne lacreme ca se tenene annascuse:
'a vvote pare ca stanne quase a cerca' scusa.

So' quiete, 'nun lle piace 'e fà confusione.
Te rimanene 'ncanna senza ce mettere passione.
So' llacreme ca scennene p'ê vise addulurate,
ma cadene asciutte e 'nun songo maje bagnate.

Nun 'e vvide e 'nun 'e ppuò mmanco tucca'.
Spisso addeventene resate: 'nun vonno pieta'.
Songo lacreme ca si pure sentene dulore,
te chiagnene 'ncuorpo, ma senza fà rummore.
Giovanna Balsamo

Cerca nel sito

Cerca per...

Sono con noi

Ci sono attualmente 2 utenti e 5352 visitatori collegati.

Utenti on-line

  • Antonio.T.
  • Ardoval