Sostieni anche tu il nostro sito
Scritto da © Antonio Cristof... - Dom, 10/03/2013 - 21:06
'Na zuppe 'e cozze abbasce Margelline,
duie panzarotte e nu bicchiere 'e vine,
'na pizza fritte che te jenghe 'a panza
chiena 'e sciuscielle e cicoli in fraganza,
'na bella guaglincella doce e fine.
Amico mio nun ce sta niente a fa
te 'a fa capace
che pe sape' campà
ce basta 'o poco, 'o poco 'e giuventù
che fuje sempre
e nun ritorna cchiù,
e nun ritorna cchiù!
'Na bella "Margherita" addù Marchese,
addò me porto sempe a fine mese
c''a guaglincella mia che ride e vale
e sempe fa parè ch'è Carnevale
e che me done ammore senza fine.
Amico mio nun ce sta niente a fa
te 'a fa capace
che pe sape' campà
ce basta 'o poco poco 'e giuventù
che fuje sempre
e nun ritorna cchiù,
e nun ritorna cchiù!
Na passiggiata a riva e 'o mare 'e faccia,
c''a guagliuncella mia dint''a 'sti braccia,
ca me surride comme fosse a' scole
mentre pa' strada sta redenne 'o sole
e che me vasa suspiranne in fine
Amico mio nun ce sta niente a fa,
io mo t''o dico e mo te l'he 'a 'mparà:
'mparete buono
e fa tu comme a me
che oggi io songo
songo cchiù 'e 'nu re,
e songo cchiù 'e 'nu re.
»
- Blog di Antonio Cristoforo Rendola
- 1484 letture
le nostre pubblicazioni 
