'Sti rrecchie mie sentene suna' troppe note stunate,
pure 'e cchitarre chiagnene: se so' tutte scurdate.
'A città d'ê puete, 'e ll'artiste, d'â pizza sta murenno,
p'â 'nfamita' d'â ggenta disonesta sta sparenno.
'Sta Napule sta affunnanno: ll'ammanca 'o respiro,
'nun se vede cchiù: ll'hanno cuperta 'e fummo niro.
'O gigante buono, 'o Vesuvio c'ô parco nazionale:
ha pigliato fuoco cu ll'aucielle, ll'arbere e ll'animale.
Perfino 'o munno oramaje pare ca s'è sfastediato,
pur'isso p'â granda arraggia s'è tutto arravugliato.
'E tiempe ca suspiraveme guardanno 'e llampare,
'a gente s'emozionava sparanno 'o ffuoco a mare.
Ce 'ncantaveme a guarda' 'a linea 'e ll'orizzonte,
c'appassiunaveme a ammira' 'o sole ca tramonta.
'Nun se ghieva 'e pressa, se rispettava 'a tradiziona:
dint'ô buvero se faceva 'o cippo e 'sant'Antuono!
'Nun era comm'â mmò: ma ch'è chesta schifezza:
stanne appiccianno 'a ggente 'nsieme 'a munnezza!
Giovanna Balsamo
- Blog di Giovi55
- 2749 letture