'A croce

Dedicata a tutti coloro che stanno portando enormi croci: vittime incolpevoli di un'ingordigia umana che continua a mietere vittime...

'A croce

Tutte quante 'nce purtamme 'a croce.
Chi s'â trascina grossa, chi piccerenella,
chi se porta appriesso sulamente 'na crucella.

'A voglio purta' 'sta crocia e pure 'a curona cu 'e sspine,
ma 'nun fosse meglio si 'a 'ntagliassene cchiù fine?
Nunn'è ca avessa pesa' propete quanto 'nu pilo!

Ma 'nun fosse meglio, si pesasse sulo 'nu chilo?
J' penso ca s'avessa apprimma vede' si calza bbona
e po' se regolasse a ssiconda d'â perzona.

Avessa essere 'nu poco cchiù accunciulella.
'No 'na piezza 'e croce enorme: 'na crucella...
'A purtasseme cu cchiù soddisfazione,

si 'nun fosse grossa comm'â 'nu crucione...
Cammenasseme 'nsieme: senza 'nce pesta' 'e calle
e cu 'o ppoco 'e crucella 'ncopp'ê sspalle.
Giovanna Balsamo