Eva e Adamo | dialetto | Giovi55 | Rosso Venexiano -Sito e blog per scrivere e pubblicare online poesie, racconti / condividere foto e grafica

Login/Registrati

Commenti

Sostieni il sito

iscrizioni
 
 

Nuovi Autori

  • Gloria Fiorani
  • Antonio Spagnuolo
  • Gianluca Ceccato
  • Mariagrazia
  • Domenico Puleo

Eva e Adamo

'Nu bellu juorno 'o Pataterno se vulette spassa'.
Allisciannese 'a barba se mettette a pensa'.
Mentre se manteneva 'o mento c'â mano,
tutto cuntento pensava a 'nu piano.
'Nu lampo dint'â ll'uocchie o lassaje sturdito.
'Nu colpo 'nfronte, pecché aveva capito!
Rifletteva e pensava 'a 'na nova criaziona:
aveva appena 'nventato 'nu bellu guaglione.
Ma steva perplesso, mentre 'o guardava:
- Nunn'è cumpleto!", - nervuso pensava.
Senza perdere tiempo: nun vulenne aspetta' 'nvano,
veloce se pigliaje 'na costola 'e Adamo.
'Na lucia ggeniale 'o faceva movere 'e mmane,
mentre se plasmava 'a costola chiano.
Se guardava 'a luntano muntagne 'nnevate
e cocche cratere pe llà attuorno schiuppato.
Pensaje e ripensaje, ca' na cosa accussi;
nun puteva rimane': s'aveva ferni'!
O' pezzullo 'e costola se ghiette faticanno
e cu ll'acqua 'e ruscelle mane mane rriganno.
Accumparette 'nu viso gentile e ccurtese,
cu forme assaje bbelle e riuscette ll'impresa!
Servennese po' 'e 'nu pallido sole,
regnette 'a capa d'â femmena 'e ricciule d'oro.
'Nu paro 'e spurgenze ca steveno sulagne.
Ddoje muntagnelle: 'e chiammaje subbeto mamma.
'Npietto 'nu papavero russo lesto ghiette a pusa'.
Fiero pensaje:"chisto e' 'o core 'e mamma'."
Cu ll'anse 'e 'nu ciumme, facette 'e ccurve d'ê cianche:
doje bbelle spurgenze: tutte tonne e gghianche.
'Na cunchiglia cu 'e pperle pe cria' 'a natura,
e 'nu ventre preno: chino 'e frutte ammature.
Pensanne teneramente a 'nu nutrimento adatto.
Rignette chillu pietto 'e 'nu tiepido latte.
Adamo se nnammuraje subbete d'â bella criatura:
'nsieme a Eva accumminciaie ll'avventura.
Fuje accussi' ca 'o munno, s'affullaje chianu chianu,
'e tanta nennille: figlie d'e Eva e d'Adamo.
Giovanna Balsamo

Cerca nel sito

Cerca per...

Sono con noi

Ci sono attualmente 2 utenti e 4916 visitatori collegati.

Utenti on-line

  • Ardoval
  • Antonio.T.