Ll'amico

Chi tene n'amico ha truvato 'nu tesoro: 'nu furziere luccichiante chino d'oro. J' quacche amico ll'aggio pure truvato, ma è merce rara: 'nun se trova 'o mercato...

Ll'amico

Tu m'addimanne - comme se fà a truva' n'amico -
J' pronta te risponno ca si 'o trovo 'o bbenedico.
Ll'amico te vo' bbene: 'nun te lassa maje.
T'aiza mentre te vatte: te leva a miez'ê guaje.
Quanno ce vo', te sape da 'na scutuliata.

Si serve te tira 'e rrecchie, manco te fosse frate.
Te vasa, t'accarezza: 'e vvote te cazzea:
mentre ll'uocchie ll'abbrillene: cu te ride e pazzea.
'Nun saccio, comm'aggia fà pe t'ô spiega',
ma n'amico overo, è 'nna furtuna a ll'ô truva'.
Giovanna Balsamo