'O cecato

"Nun me guardate stuorto", me stanne sempe a di'.
Ma che ce pozzo fa si so' nnato accussi'?
È 'a tanto ca stongo a mme sfurza',
ma so' ll'uocchie ca 'nun se ponno accuncia'.
Mentre ll'uocchio destro guarda diritto annanze,
'o sinistro se nne và 'ngiro p'â stanza.
J' 'a piglio a mira, ma 'nun sempe mme riesce.
'A jatta s'è 'mparata: mentre frivo s'arrobba 'o pesce.
'O prublema 'o tengo, nunn'ô nnego.
'O filo dint'â ll'ago nnunn'ô veco.
Ma si se tratta e trasi' dint'â 'nu purtuso,
'a strada 'a trovo sempe: pure 'o cchiuso.
Quanno parlo cu 'a cummara Cuncettina,
mme risponne pronta pronta zia Titina.
Comm'aggia fà cu 'stu prublema 'e vista.
Mme serve subbete subbete n'oculista.
Annante 'o tabellone vaco e mme piazzo.
mme sforzo, ma 'nun veco manco 'o c...o.
"Sentite", me dice 'o miedeco, "state nguaiato".
Nunn'esiste ancora 'a lenta ca cercate.
Allora j' nun putennece fà niente
continuamente vaco ciaccanne 'a ggente.
'Nu poco n'apprufitto: chesto è overo.
Quanno pozzo 'o scamazzo cocche ppere.
C'â scusa ca 'nun veco 'o riesto 'e niente,
vache pestanne 'e calle a dduje fetiente. -
Però, 'nun m'hanna maje chiamma' cecato,
asinò pure si 'nun veco: so' mmazzate.
Giovanna Balsamo