'O ruffiano

Me chiammano polemico pecchè stò criticanno.
"E che bruttu carattere", me rimproverano murmulianno.
J' propete 'nun supporto chi dice sempe si.

Me pare ca te sfotte. "Ve va buono accussì?
So' 'ntipatico e 'nsulente pecchè 'a capa mia arragiona?
Songo brutto e malamente, pecchè parlo 'e ribellione?

Sempe pronto e mai assente :"Un minuto e ve lo do".
'A persona po' pretenne e nun può chiù dicere "no."
Tutto curvo, sempe prono 'stu pagliaccio che ce fa?

Affannato, sempe accuorto e smaniuso 'e accuntenta'.
Nun cunosce chella cosa ca nisciuno po' ghittà..
Tene addore 'e ciure e rrose: se chiamma dignità.
Giovanna Balsamo