'O turturiello | dialetto | Giovi55 | Rosso Venexiano -Sito e blog per scrivere e pubblicare online poesie, racconti / condividere foto e grafica

Login/Registrati

Commenti

Sostieni il sito

iscrizioni
 
 

Nuovi Autori

  • Gloria Fiorani
  • Antonio Spagnuolo
  • Gianluca Ceccato
  • Mariagrazia
  • Domenico Puleo

'O turturiello

Siccome s'avvicina 'a stagione 'e ll'ammore,
'ncielo comme pe terra 'a natura se rinnova.
Ogni ciore se va cercanne ll'abito cchiù bello,
pecchè 'nun vo' sfigura cu ll'ati cumpagnielle.

Chi se veste c'ô rrusso d'ê fravule e d'ê lampune,
chi se và tignenne c'ô giallo d'ê limune.
So' 'nu pare 'e juorne ca me vene a truva' 'nu turturiello:
chiaro, simpatico e ttunno: 'a verità assaje bello.

Tutt'ê mmatine 'e sette, quanno 'o cielo se fà blù,
se mette a 'ntuna' continuamente tuttuttu.
'E primme vote 'stu core scemo se spassava.
È 'a stagione 'e ll'ammore, rerenne isso penzava.

Però ogni mmatina, ma comme se po' fà,
'o turturiello se mette 'npont'ô ramo a turturia'.
J' ce ll'aggio ditto ca ll'adda ferni' cu 'stu sturnello.
Ll'aggio priato a lluongo 'a 'stu cucciuto turturiello.

Ma 'nun me vo' stà a ssentere e j' m'aggio stancata.
'O lasso sturnellia' e canta' tutt'â jurnata.
Isso và annanze sempe c'ô stesso sturnello:
po' tutte e dduje 'nsieme, ce 'ntunamme 'o riturnello.
Giovanna Balsamo

Cerca nel sito

Cerca per...

Sono con noi

Ci sono attualmente 1 utente e 7215 visitatori collegati.

Utenti on-line

  • Antonio.T.