Scritto da © Giovi55 - Dom, 14/07/2019 - 14:37
Pe cucenà 'e fasule comm'a Ddio cumanna,
s'ha dda tenè nu poco vascia 'a fiamma.
Appriparate a pparte 'a nzogna tagliata fine:
facite strisciulelle comme fossere tagliuline.
s'ha dda tenè nu poco vascia 'a fiamma.
Appriparate a pparte 'a nzogna tagliata fine:
facite strisciulelle comme fossere tagliuline.
Po' tritate 'o ssedano, 'a cipolla, 'a carota
e ammescate bbuono cchiù 'e na vota.
A pparte arrusulate nu spicchio 'e aglietiello
e frevitele cu nu filo d'uoglio 'int'ô tianiello.
e ammescate bbuono cchiù 'e na vota.
A pparte arrusulate nu spicchio 'e aglietiello
e frevitele cu nu filo d'uoglio 'int'ô tianiello.
Po' 'int'â ttutto chello c'avite spezzettato,
mettitece nu cuppino 'e bbroro appriparato.
Ntanto ca 'a tavola sta già apparicchiata,
'int'e fasule nfezzatece 'a pasta ammiscata.
mettitece nu cuppino 'e bbroro appriparato.
Ntanto ca 'a tavola sta già apparicchiata,
'int'e fasule nfezzatece 'a pasta ammiscata.
'O fasulo è modesto: nun è comme 'o sartù,
ma si 'o cucine bbuono te po' pparè raù.
Fra tanta piatte putesse essere isso 'o rre,
ma nun s'ha dda esagerà; vuò sapè pecché?
ma si 'o cucine bbuono te po' pparè raù.
Fra tanta piatte putesse essere isso 'o rre,
ma nun s'ha dda esagerà; vuò sapè pecché?
Pecché 'o fasulo è nu poco scapestrato:
parla spisso e senza essere cumannato.
È ssimpatico, bello e cchino 'e sustanza
però si te n'abuse so' ddulore 'e panza.
parla spisso e senza essere cumannato.
È ssimpatico, bello e cchino 'e sustanza
però si te n'abuse so' ddulore 'e panza.
Si te ne faje nu piatto bello chino chino,
miette d'accordo 'a capa e ll'intestino.
Cu 'e fasule nun spare na vota ogni ttanno;
si t'hê magne spisso faje festa tutto ll'anno!
Giovanna Balsamo
miette d'accordo 'a capa e ll'intestino.
Cu 'e fasule nun spare na vota ogni ttanno;
si t'hê magne spisso faje festa tutto ll'anno!
Giovanna Balsamo
»
- Blog di Giovi55
- 1737 letture