Oh musa, musa... Barbara musa! | dialetto | Pseydein | Rosso Venexiano -Sito e blog per scrivere e pubblicare online poesie, racconti / condividere foto e grafica

Login/Registrati

Commenti

Sostieni il sito

iscrizioni
 
 

Nuovi Autori

  • Gloria Fiorani
  • Antonio Spagnuolo
  • Gianluca Ceccato
  • Mariagrazia
  • Domenico Puleo

Oh musa, musa... Barbara musa!

Ocannu puru intendo Mamujada
in chirca de bullitzare cantadore
e collo, e gai l’imbasto imbassiada
ma non m’essit incuntza de valore. 
 
Sa pinna mancu venit a cussertu
e chircande movo un’andala galana
e impenas sinfunia daet s’infertu
su sole vestit conca in sa ventana.
 
E torrat punta a susu su pinninu
s’invitu no li cheret onorare
l’inchendet ocu tando su luminu
ma contra e mesu oche essint de pare!
 
E chirco de irvojare sa juntura
ma prus perunu ghetu no l’acato
e pro non mi vider prus chene presura
in cada tropellu mi ch’irbato.
 
Oh musa chi mi voles presoneri
in d’una gruta iscura e chentza essida
gherrande chene essere gherrieri
e arveschida visande o dispedida.
 
De cantu mi ses bullitzande coro
no isco si resesso a cuncruire
e su disitzu de l’intritzire a oro
in custu modu non podet surtire.
 
Intro de mene che so puru presu
e no l’acato ghetu a s’oritzonte
ma tzerta musa, in andalas de mesu
jampat sas undas finas chene ponte.
 
E cando vio su chi at fatu sa pinna
solu mi pesso dae ue siat naschidu
ca non mi paret nanna e mancu ninna
brincande riu fortzis nd’est essidu.
 
Non pesso in custu onore poesia
chi at mantesu viva sa presentzia
de custa bella terra, in cumpantzia
pesandeli sa oche a s’esistentzia.
 
Ascurta tando e colli su perdonu
si non l’acatas sinnu de intertesa
e si non ti torrat mancu in tonu
l’as a secare a filos suta de mesa.
 

Cerca nel sito

Cerca per...

Sono con noi

Ci sono attualmente 3 utenti e 8541 visitatori collegati.

Utenti on-line

  • LaScapigliata
  • Antonio.T.
  • ferry