S'omine e su male | Poesia | Pseydein | Rosso Venexiano -Sito e blog per scrivere e pubblicare online poesie, racconti / condividere foto e grafica

Login/Registrati

Commenti

Sostieni il sito

iscrizioni
 
 

Nuovi Autori

  • Gloria Fiorani
  • Antonio Spagnuolo
  • Gianluca Ceccato
  • Mariagrazia
  • Domenico Puleo

S'omine e su male

1
Coro male assortadu
chi no as mai pache in custa vida
finas disamparadu
non bides mancu in ue siat s’essida
e tando irvariadu
ti jocas a sa sola sa partida.
Chene ti vier pessande:
a s’ispessia de tempus ch’est colande.

2
Ti nd’essint de trumentos
si pones solu ifatu a sa richesa
e in cussos momentos
ateru non ses che pira vachesa
e in chirca de ateros ventos
vene in s’ispricu miras sa bellesa.
E in conca prenu de oro
ma in petorras non tumbat su coro.

3
Ghetande totu impare
ti sicant pensamentos su caminu
e in cussu trigulare
t’allue banduleri che luminu
e si moes a l’istutare:
ti pesat a ballare su terrinu.
Pro ti torrare in trassu:
detzider deves chi cambies passu.

4
Su male est untziarju
agussadore de dontzi istrallera
e li ghetat ghespiarju
a dontzi cosa siat de sa era
che a rundine in ghennargiu
chi non godit de mancuna manera.
Non solu pessamentos
ma semper prus t’afurrian sos ventos.

5
Si de cussu t’agontzas
seriu t’assicuro ti mantentzo
finas chi mi che pontzas
suta terra o in chelu m’intertentzo
lu pesso e non m’iscontzas
de cantu vene in tira oe ti tentzo.
E ascurta s’allegare
si non connosches picadore a pare.

6
Patinde e gherrande
notes sufrinde in malu modu e dies
su vene irmenticande
che perdes su consolu e non ti vies
e semper prus andande
in malas abbas e non ti nde abbies.
Non ti sias illudende
ca suta terra ti ch’est imberghende.

7
Non istes dubiosu
ca irballiadu e tortu est cussu achintzu
mancari sias nodosu
t’irboidas comente vidichintzu
e non t’est discassosu
ca in dontzi pitza venit pistichintzu.
E pro su disacatu:
che soriche che paras cun su gatu.

8
E gai su mandicare
risurtat chene sale e puru fritu
e duncas cussu andare
a bellu a bellu ghetas a imbitu
chene pache e pasare
e indedda dae cada vonu inditu.
Presu in manos e pedes
tzertu non t’as a moer comente cheres.

9
Cando su male est mudu
prus artu ti ch’intendes de s’artura
non disitzas atzudu
ca mancas siat de pesu e de misura
curtzu e in colore de ludu
ti vies che cuccanna in pesadura.
Si su male est s’isposa
a truva ti picat in cada cosa.

10
Catzat a un’ala
cussa allega frassa e traitora
ascurta e pica a pala
non prangas in dolore dontzi ora
imbola s’abba mala
e torra a domo ti preco in bon’ora.
De su male e su vene
su primu imbola e sigundu mantene.

11
Chircande s’afungada
su maleditu diavulu frassu
si mostrat che s’amada
ma li torrat a s’omine fracassu
dandeli sa pensada
comente andande siat a discassu.
E gai chene cherveddu:
che paras dae ti vieres unu isteddu.

12
Cussu malu pessare
a frimu semper mirat a sa mente
ti preco de abistare
ca podes morrer finas de repente
custa est sa veridade
de chie su male volet dae sa tzente.
Si cambias guturinu
astringher ti si podet su terrinu.

13
T’at parrer issena
ma si non daes banda de su totu
no li pesas carena
ca modde t’as a vider che recotu
e iscuru in luna prena
ti volet pro di poder vider cotu.
E gai in cussa parada
t’abitzas cantu contat sa tzirada.

14
Cando tzertos disitzos
chi die e note vortant a sa gherra
suni malos proitzos
chi modu no ant in chelu e ne in terra
ca solu moent bullitzos
e che podes finas lassare perra.
Ma si ascurtant sos duros
sas tancas si ch’isorbent dae sos muros.

15
E a boche arta naro
chene mancu m’intender prus sa voche
e a nissunu isparo
puru si mi che lassant solu inoche
e a nudda prus m’imbaro
mancari mi che serrent in sa Oche.
E mai su maleditu
m’at poder uchider prus a fritu.

16
Mi pare tzustu como
a resonare in bonu sentimentu
non botzo vi siat domo
chi siat in dolore e in turmentu
e pro cussu non dromo
ca ti chertzo vier semper cuntentu.
E si nde tenes contu
as a bier che cambias de un imbrontu.

17
Cando custa elegia
apo imbastidu sichinde cussitzu
in pache e alligria
semper ponende in fatu a su proitzu
prus de una vorta in via
vortadu m’ant a su malu disitzu.
E como chi nd’ispico
a mie solu a su collete pico.

18
Non so pride e ne montza
e de m’aer intorrinadu non suventzo
e no intendo virgonza
ma semper prus ti naro m’intertentzo
e si puru iscutu a frontza
sintzillu a dontzi modu mi mantentzo.
E ascurta s’allegare
si non connosches picadore a pare.

19
Custa istorchitzada
no isco mancu dae ue siat dipesa
e sichinde sa colada
bessire podes foras de malesa
e in cussa risurtada
as a cumprender ue est sa bellesa.
E tando abista vrade
si che podes collire veridade.

20
Ca in grandi diletu
su male si nde ridet proitzande
chi non dormas in letu
e chi non iscas a ue ses andande
e ti jochet s’apretu
chi mancu prus t’acates meriande.
Ma si li vortas pala
semper l’as a mantenner a un’ala.
 

 

Cerca nel sito

Cerca per...

Sono con noi

Ci sono attualmente 2 utenti e 3164 visitatori collegati.

Utenti on-line

  • Ardoval
  • Antonio.T.