Scritto da © nino vicidomini - Ven, 05/09/2014 - 16:51
’Sta notte ’e tempesta
mantene scetato ’stu core,
’o mette ’int’ ’e bbraccia d’ ’o viento
pe’ farle dannà’,
…E ’o viento furiuso
’o votte cu’ fforza ’nt’ ’a ll’aria;
’o mena pe’ cielo,
’o sbatte pe’ terra;
nun have piètà.
’Sta notte ’e settembre
fa’ overo;
stavota è decisa,
cu’ mme.
So’ ccerto
è sicuro
m’accide.
’Stu core malato
cchiù fforza nun tène!
S’arrenne
scunfitto
‘int’ ’a chesta tempesta
che vène
e arravoglia ogni cosa;
nun dice cchiù niente.
Chi soffre ’e passione
nun tene paura ’e murì.
»
- Blog di nino vicidomini
- 1962 letture