Petìn e Petèe - filastrocca veneta | Rosso Venexiano -Sito e blog per scrivere e pubblicare online poesie, racconti / condividere foto e grafica

Login/Registrati

Sfoglia le Pagine

Sostieni l'associazione

iscrizioni
 
 

Petìn e Petèe - filastrocca veneta

Petìn e Petèe
i 'ndava a nosèe.
Petìn ghe ne cata un sachetìn
e Petèe tre nosèe.
Petìn ghe dise a Petèe:
"petèe 'ndèmo casa,
mi co 'l sachetìn
e ti co 'e tre nosèe?"
"Mi no eh!"
ghe dise a Petìn, Petèe.

"E lora ciàmo el can!
Can, mòrsega Petèe
che no 'l vòl vegnèr casa co' e so tre nosèe!"
"Mi no eh che no mòrsego Petèe
che no 'l vòl vegnèr casa co 'e so tre nosèe!"

"E lora ciàmo el baston!
Bastòn, bastòna el can,
che no 'l mòrsega Petèe,
che no 'l vòl vegnèr casa co 'e so tre nosèe!"
"Mi no eh che no bastòno el can,
che no 'l mòrsega Petèe,
cheno 'l vòl vegnèr casa co 'e so tre nosèe !"

"E lora ciàmo el fògo!
Fògo, brusa el bastòn,
che no'l bastòna el can,
che no 'l morsega Petèe
che no 'l vòl vegnèr casa co 'e so tre nosèe!"
"Mi no eh che no bruso el bastòn
che no'l bastòna el can,
che no 'l morsega Petèe,
che no 'l vòl vegnèr casa co' e so tre nosèe!"

"E lora ciàmo l' aqua!
Aqua, stùa el fògo,
che no 'l brusa el bastòn,
che no 'l bastòna el can,
che no 'l mòrsega Petèe
che no 'l vòl vegnèr casa co 'e so tre nosèe!"
"Mi no eh che no stùo el fògo,
che no 'l brusa el bastòn,
che no 'l bastòna el can,
che no 'l morsega Petèe,
che no 'l vòl vegnèr casa co 'e so tre nosèe!"

"E lora ciàmo el bò!
Bò, bevi l' aqua,
che no 'a stùa el fògo,
che no 'l brusa el bastòn,
che no 'l bastòna el can,
che no 'l mòrsega Petèe
che no 'l vòl vegnèr casa co 'e so tre nosèe!"
"Mi no eh che no bevo l'aqua,
che no 'a stùa el fògo,
che no 'l brusa el bastòn,
che no 'l bastòna el can,
che no 'l mòrsega Petèe
che no 'l vòl vegnèr casa co 'e so tre nosèe!"

"E lora ciàmo 'a corda!
Corda liga el bò,
che no 'l beve l' aqua,
che no 'a stùa el fògo,
che no 'l brusa el bastòn,
che no 'l bastòna el can,
che no 'l mòrsega Petèe
che no 'l vòl vegnèr casa co 'e so tre nosèe!"
"Mi no eh che no ligo el bò,
che no 'l beve l' aqua,
che no 'a stùa el fògo,
che no 'l brusa el bastòn,
che no 'l bastòna el can,
che no 'l mòrsega Petèe
che no 'l vòl vegnèr casa co 'e so tre nosèe!"

"E lora ciàmo el sorzo!
Sorzo, ròsega 'a corda,
che no 'a liga el bò,
che no 'l beve l' aqua,
che no 'a stùa el fògo,
che no 'l brusa el bastòn,
che no 'l bastòna el can,
che no 'l mòrsega Petèe
che no 'l vòl vegnèr casa co 'e so tre nosèe!"
"Mi no che no rosègo 'a corda,
che no 'a liga el bò,
che no 'l beve l' aqua,
che no 'a stùa el fògo,
che no 'l brusa el bastòn,
che no 'l bastòna el can,
che no 'l mòrsega Petèe
che no 'l vòl vegnèr casa co 'e so tre nosèe!"

"E lora ciàmo el gato!
Gato, magna el sorzo,
che no 'l ròsega 'a corda,
che no 'a liga el bò,
che no 'l beve l' aqua,
che no 'a stùa el fògo,
che no 'l brusa el bastòn,
che no 'l bastòna el can,
che no 'l mòrsega Petèe
che no 'l vòl vegnèr casa co 'e so tre nosèe!"
"Mi si eh che magno 'sto sorzo,
che no 'l ròsega 'a corda,
che no' a liga el bò,
che no 'l beve l' aqua,
che no 'a stùa el fògo,
che no 'l brusa el bastòn,
cheno 'l bastòna el can,
che no 'l mòrsega Petèe
che no 'l vòl vegnèr casa co 'e so tre nosèe!"

E cussì
el gato ciapa el sorzo,
che ròsega 'a corda,
che a liga el bò,
che 'l beve l' aqua,
che 'a stùa el fògo,
che 'l brusa el bastòn,
che bastòna el can,
che mòrsega Petèe,

che scampa casa co 'e so tre nosèe.
 

Cerca nel sito

Cerca per...

Sono con noi

Ci sono attualmente 7 utenti e 3080 visitatori collegati.

Utenti on-line

  • Eleonora Callegari
  • luccardin
  • Bowil
  • Antonio.T.
  • nickandclick
  • live4free
  • voceperduta